Фонд з'яўляецца ініцыятывай каманды беларускіх актывістаў і экспертаў, якія паставілі перад сабой задачу аказаць пасільную дапамогу беларускай грамадзянскай супольнасці, а таксама палітычным і грамадскім арганізацыям, дзейнасць якіх скіравана на прасоўванне дэмакратычных каштоўнасцяў у Беларусі.
Мы супрацоўнічаем з шэрагам вядучых міжнародных палітычных інстытутаў, арганізацый і фондаў для рэалізацый пастаўленых мэт.
Офіс фонду знаходзіцца ў Варшаве, дынамічным мегаполісе, які хутка развіваецца і мае актыўную беларускую дыяспару, аднак нашыя кантакты і працоўныя сувязі выходзяць далёка за межы Польшчы.
Падтрымка праектаў у сферы беларускіх і міжнародных СМІ, накіраваных на барацьбу з дэзінфармацыяй, якая актыўна распаўсюджваецца беларускай і расійскай дыктатурамі з мэтай дэзарыентацыі міжнароднай супольнасці і беларускага дэмакратычнага руху. Дыктатуры гістарычна схільныя да таго, каб хаваць праўду пра свае злачынствы і далейшыя злачынныя планы, таму чым хутчэй і якасней будзе праведзена праца па іх выкрыцці, тым слабейшай будзе ўлада дыктатараў.
Мы нацэлены на фармаванне грамадства, дзе павага да правоў чалавека, гендэрная роўнасць і інклюзіўнасць з'яўляюцца не толькі ідэаламі, але і падмуркам нашай паўсядзённай працы. Наша задача - гарантаваць кожнаму роўныя магчымасці, акцэнтуючы ўвагу на прынцыпах адкрытасці, раўнапраўя і павагі. Нашай мэтай з'яўляецца стварэнне ўмоў для поўнай рэалізацыі патэнцыялу кожнага індывіда і ўклад у фармаванне справядлівага соцыўма. Мы перакананы, што дасягненне справядлівасці і роўнасці ў Беларусі і свеце магчыма праз калектыўныя намаганні, асвету і бесперапынны дыялог.
Падтрымка праектаў па напісанні якаснай аналітыкі — артыкулаў, дакладаў, аналітычных запісак — для прыцягнення міжнароднай увагі да праблемы дыктатарскіх рэжымаў у Беларусі і Расіі, да тэматыкі рэпрэсій, міжнародных рызык і пагроз, а таксама праектаў па супрацьдзеянні рызыкам у зоне перманентнага палітычнага крызісу ва Усходняй Еўропе. Мы лічым, што канфліктны патэнцыял нашага рэгіёну будзе толькі павялічвацца, у сувязі з чым асаблівая небяспека пагражае менавіта Беларусі з прычыны яе асаблівага геапалітычнага становішча. Забеспячэнню бяспекі, незалежнасці і магчымасцяў самарэалізацыі беларускага народа і Беларусі як нацыянальнай дзяржавы да гэтага часу надаецца недастаткова часу, і мы ставім за мэту змяніць гэтую сітуацыю.
Падтрымка напрацовак у сферы далейшага развіцця Беларусі, пачынаючы з перыяду транзіту ўлады, першых свабодных выбараў і заканчваючы далейшымі крокамі незалежнай нацыянальнай дзяржавы Рэспубліка Беларусь. Гэтыя пытанні, нягледзячы на сваю знешнюю неактуальнасць, могуць нечакана хутка стаць прыярытэтнымі ў выпадку з'яўлення гістарычнага акна магчымасцей. Мы не лічым, што цяпер час для гучных дыспутаў і публічных абмеркаванняў, аднак уся неабходная праца павінна быць выканана, а яе вынікі падрыхтаваны для далейшай імплементацыі.
Спіс праектаў з'яўляецца адчувальнай інфармацыяй і даступны пастаянным партнёрам фонду.
